Jamm og já gott fólk. Þarf ég að byrja á því að kynna mig aftur eða munið þið enn hver ég er??? 
Það er ekki hægt að segja annað en að það sé búið að vera nóg að gera og ég hef á tilfinningunni að þetta verði ekki stutt bloggfærsla þar sem a'ð akkurat núna er stund milli stríða ef svo má að orði komast 
Það er búið að vera brjálað að gera í vinnunni við að pakka niður, flokka skjöl, pakka upp og pakka niður aftur því deildin var að flytja í nýju viðbygginguna, rosa flott. Það var orðið svo þröngt á gamla staðnum að þegar ég kom úr fríi þá hafði ég ekkert sæti Kosturinn við það er að ég fékk allt nýtt á nýja staðnum
Skólinn byrjaði með miklum látum en gengur bara þokkalega held ég. Er allavega að kafna úr kátínu yfir þessu. Sjáum til hvernig ég verð í nóvember... Ég er 4 daga vikunnar og því mikið háð fjölskyldu, vinum og vandamönnum með pössun. Og vil nota hér tækifærið og þakka góðan stuðning Það er endalaust verið að bjóðast til að passa fyrir mig. Gæti þetta ekki án ykkar elskurnar mínar
Skólinn fór ekkert smá vel af stað hjá Almari líka. Hann fær hver verðlaunin á eftir öðrum, uppáhalds fagið hans er saumar, hann er farinn að læra ensku og svo föndraði hann sæta eyrnalokka fyrir mömmu sína þessi elska Ég þekki hann varla lengur. Verðlaunin sem hann fékk í gær fékk hann fyrir að taka til á borðinu hjá sessunaut sínum sem gleymdi sér. Og honum gengur svo vel að fara eftir fyrirmyndarreglunum í skólanum, halda opnu fyrir náungann, bjóða góðan dag, fylgja reglum og svona. Ég er að springa úr stolti sko. En ég verð líka að passa mig að hugsa er á meðan er og reyna mitt besta til að halda þessu við. Ég læt Almar fá eitt hrós á miða á hverju kvöldi sem við límum í bók og ég held að það sé að hafa ofsalega góð áhrif á hann. Þetta er líka fínt fyrir mig svo ég gleymi ekki að hrósa honum.
Kristín og Kormákur eru flutt út og líkar bara vel. Brynja er komin í menninguna aftur og búin að taka allt dótið sitt sem var heima. Ég er því búin að vera breyta og bæta á heimilinu og það er svona líka rosalega fínt. Almar er kominn með leiksvæði með bílabraut í geymsluna, rosa fínt þegar ég er að læra því ég heyri ekkert í honum
Á fimmtudaginn síðasta var rosalegt kveðjupartý í vinnunni sem byrjaði með paintball. Ég missti af því þar sem ég var í stærðfræði, en það gerði ekkert til, leikarnir stóðu stutt yfir því öðrum yfirmanninum tókst að brjóta ökklann í tvennt, slíta liðbönd og hásin eiginlega alveg í byrjun leiks. Hann var sendur með sjúkrabíl upp á slysó og fór beint í aðgerð greyið. Hann fýlaði sig svo eins og hermann að hann tók eitthvað stökk til að koma sér í skjól sem endaði svona. Það tók hann víst langan tíma að leiðrétta misskilning upp á slysó að hann hefði ekki verið á gæsaveiðum
Við fórum svo á Fjörukránna og borðuðum og enduðum kvöldið á karokí keppni sem tókst sovna líka svakalega vel
Í kvöld er svo Haustfagnaður Kaupþings og ég tók bara að mér að vera edrú fyrir hönd skemmtinefndar. Legg ekki í meira djamm í bili, tekur ekkert smá mikla orku frá náminu og fleiru :þ
Heyrðu já og af því að álagið á mér er ekki meira en þetta þá er ég búin að samþykkja að fara yfir í aðra deild eftir hádegið næstu vikur og bjarga þeim þar sem einn starfsmaður er í veikindafríi. Dagurinn minn verður sem sagt svona:
8.00 – Fyrirtækjaráðgjöf
12.30 – Viðskiptabankasvið
16.15 – Skóli
19.00 – Almar og almenn heimilisstörf
21.00 – Heimanám þar til ég sofna fram á borðið
Já ekki mikið rúm fyrir msn, blogg, myspace eða face to face félagsskap í þessu prógrammi... En svona er þetta. Maður getur ekki alltaf gert allt.
Ég ætla nú samt aðeins að hitta hana Kristrúnu mína á morgun og kíkja svo til Klöru og Báru sem eru með innflutnings-ammælist-party
Svo eru bara 6 dagar í að litla barnið mitt verði 7 ára. Hvað gerðist ég bara spyr... Þóra Björk litla frænka mín er búin að bjóðast til að hjálpa mér að skemmta krökkunum. Ég ætla helst að hafa þau úti í leikjum allan tímann og panta bara pítsur
Ég byrja í hinni vinnunni eftir helgi þannig að ég ákvað að nota tækifærið og blogga aðeins áður
Vona að það sé gott að frétta af ykkur líka
Sösp